NYOTA WA NAPOLI WAKOSA BILLION 28 BAADA YA KIPIGO.

Kabla ya mchezo wa Ligi ya mabingwa Barani Ulaya kati ya Napoli na Barcelona hapo jana mmiliki wa klabu ya Napoli aliwekeza zaidi ya €10 Million kwa wachezaji ili tu wafuzu hatua ya robo fainali.

Wachezaji wa klabu ya Napoli wamekosa zaidi ya €10 Million [ TZS Billion 28] ambayo waliahidiwa na mmiliki wa klabu hiyo Aurelio De Laurentiis kama wangefanikiwa kuiondosha Barcelona kwenye hatua ya 16 ya Ligi ya mabingwa Ulaya.

“Niliweka zaidi ya Million 10.” – Aurelio De Laurentiis akijibu swali kuhusu kuweka ahadi ya pesa kwa wachezaji wa klabu yake kama wataitoa Barcelona.

Napoli ilitoa sare mchezo wa kwanza ikiwa nyumbani [1-1] na jana wakiwa Camp Nou walipoteza kwa goli 3-1 na hivyo klabu hiyo kuondoshwa kwa idadi ya magoli 4-2.

Baada ya kuondolewa kwa Napoli mashabiki wa klabu hiyo kila mmoja amekuwa na maoni yake.

“Ahsanteni kwa kutupeleka kombe la Dunia.”- Giosu.

“Kupoteza mbele ya kikosi cha nne cha Barcelona ni Aibu.” – Gennaro

“Ngoja tuone kwenye kombe la Dunia nini mtafanya lakini mmecheza vibaya.” – Caoscerto.