Bodi ya Ligi kuu kandanda Tanzania Bara imetoa marekebisho ya michezo miwili ya Ligi kuu kandanda Tanzania Bara ya klabu ya Young Africans, mchezo dhidi ya Azam na ule wa Singida Fountain Gate.
Mchezo wa Young Africans dhidi ya Azam awali ulipangwa kupigwa Jumapili hii ya October 22, baada ya mabadiliko mchezo huo utapigwa Jumatatu ya October 23 majira ya saa 12:30 Jioni katika uwanja wa Azam Complex, katika mchezo huo Young Africans ndio mwenyeji wa mchezo huo.
Mchezo mwingine uliofanyiwa marekebisho ni dhidi ya Singida Fountain Gate uliopangwa kuchezwa Alhamis ya October 26, saa 12:30 Jioni na sasa utapigwa Ijumaa ya October 27 saa 12:15 Jioni katika uwanja wa Azam Complex.
