SMITH ROWE, G.JESUS KUIKOSA NEWCASTLE.

The Gunners wanajiandaa kumenyana na Newcastle siku ya Jumamosi bila wachezaji wao wawili muhimu. Jesus amekuwa hayupo tangu afunge goli dhidi ya Sevilla Jumanne iliyopita, huku Smith Rowe akikosa kichapo kibaya cha Kombe la Ligi Jumatano dhidi ya West Ham kutokana na jeraha. Na Arteta amedokeza kwamba wawili hao huenda wasirudi hivi karibuni, akidai kwamba inaweza kuwa “wiki” kabla ya kurudi tena uwanjani.

Alipoulizwa maswali mahususi kuhusu mhitimu wa academy ya Hale End, Mhispania huyo alijibu

Hakuna kilichobadilika. Yeye [Smith Rowe] atakuwa nje kwa wiki. Tuna muda mwingine wa mazoezi kwa hivyo kuna uwezekano lakini sijui.

Mikel Arteta akitolea ufafanuzi wa kikosi chake kuelekea mchezo dhidi ya Newcastle United.

Jibu la Arteta vile vile lilikuwa la kukatisha tamaa kuhusu hali ya Gabriel Jesus. Alipoulizwa kuhusu upatikanaji wa Mbrazil huyo kwa ujumla zaidi kabla ya mapumziko ya kimataifa ya Novemba.

Siwezi kuthibitisha hilo. Nilisema itakuwa wiki.

Alisisitiza kocha huyo wa The Gunners

Pigo lingine kwa Arsenal kwani idadi ya majeruhi imeongezeka, Smith na Jesus wanaungana na Thomas Partey aliyethibitishwa kuwa nje hadi baadaye mwezi huu, huku mchezaji aliyesajiliwa majira ya kiangazi Jurrien Timber alipata jeraha baya la goti siku ya ufunguzi wa Ligi ya Premia ambalo litamfanya kuwa nje hadi mwaka ujao. Newcastle, Unied watakuwa nyumbani St. James’ Park kumkaribisha Arsenal baada ya kumshushia kipigo Manchester United katikati ya wiki.