RAIS PSG: MBAPPE BADO TUNAMUHITAJI.

Los Blancos wanaendelea kuhusishwa kwa kiasi kikubwa na mshambuliaji Kylian Mbappe, huku yeye mwenyewe akiendelea kuutumikia mkataba wake na klabu yake ya Paris Saint-Germain unaolekea ukingoni na kuwa huru ifikapo Juni mwaka 2024. Miamba hiyo ya La Liga, wamedai kuwa hakuna mazungumzo yanayofanyika kukamilisha uhamisho huo.

Kutokana na taarifa iliyotolewa hivi karibuni na kuchapishwa na vyombo tofauti vya habari, ambapo ndani yake kuna tetesi kuhusu madai ya mazungumzo kati ya mchezaji Kylian Mbappe na klabu yetu, Real Madrid CF inapenda kueleza kuwa taarifa hizi ni za uongo kabisa na hakuna mazungumzo ya aina hiyo yaliyofanyika. na mchezaji ambaye ni wa PSG.

Ilithibitisha klabu hiyo ya nchini Hispania.

Rais wa PSG Nasser Al-Khelaifi ameshikilia kuwa hana nia ya kujadili kuondoka kwa Mbappe kutoka Parc des Princes, na huo unasalia kuwa msimamo wa juu kabisa wa klabu hiyo.

Sijaona kauli yao, sote tumejikita kwetu na soka letu, si kwa wengine

Al-Khelaifi ameliambia Gazzetta dello Sport alipoulizwa kuhusu kauli kutoka kwa Madrid.

Kylian anaendelea kufanya mambo makubwa na pengine watu wanamchukulia kawaida, lakini hakuna aliyecheza fainali mbili za Kombe la Dunia na hata kufunga hat-trick. Nitasema tena: Kylian ndiye bora zaidi duniani, na ni vyema kumuona akiwa kwenye usukani wa PSG na Ufaransa. Ana matokeo chanya kwa vijana wetu, akitusaidia kujenga maisha yetu ya baadaye.

Al-Khelaifi aliongeza juu ya jukumu ambalo Mbappe anapaswa kutimiza kwa sasa na siku zijazo akiwa PSG.

Wakati Real wamejiweka kando na Mbappe kwa sasa, wanatarajiwa kucheza na Mfaransa huyo wakati fulani. Mabingwa hao watetezi wa kombe la Ligue 1 nchini Ufaransa bado wana matumaini ya kumfanya mchezaji huyo mwenye umri wa miaka 24 ambaye ndiye mfungaji bora wa muda wote wa klabu, kusaini mkataba mpya.