Kocha wa zamani wa Tottenham Hotsupur na Wolveshampton Mreno Nuno Espirito Santo ametimuliwa kazi na klabu ya Al- Ittihad licha ya kushinda taji la Ligi kuu nchini Saudi Arabia msimu uliopita.
Al-Ittihad ipo nafasi ya sita (6) ya msimamo wa Ligi kuu nchini Saudi Arabia licha ya kuwa na nyota wenye majina makubwa kama Karim Benzema na N’golo Kante kwenye kikosi hicho.
Al-Ittihad walikubali kichapo cha 2-0 dhidi ya Al-Jawiya ya Iraq katika mchezo wa Ligi ya mabingwa Barani Asia juzi, matokeo ambayo ndio yanatajwa kuwa kichocheo cha kocha huyo kutimuliwa kazi.
Viongozi wa klabu hiyo wanaangalia uwezekano wa kuipata saini ya kocha Jose Morinho au Julen Lopetegui ambaye pia anatajwa kujiunga kikosi hicho.
