Klabu ya Simba imepata sare dhidi ya Jwaneng Galaxy ugenini nchini Botswana na sasa ana pointi 2 kwenye mechi mbili walizocheza katika kundi B.
Haikuwa siku nzuri kwa klabu ya Simba licha ya kumiliki mpira na kupata nafasi nyingi, imeambulia suluhu 0-0 ugenini dhidi ya Jweneng Galaxy hatua ya makundi Ligi ya Mabingwa Afrika Uwanja wa Francistown nchini Botswana.
Mechi 6 mfululizo Simba Bila ushindi mechi za Kimataifa. Na Leo ubora mbele ya Lango ni kikwazo Cha kutopata ushindi. Mashuti 16 yameleta mashuti 3 yaliyo lenga lango. Kwa nafasi zilizopatikana kulikuwa na angalau mashuti 8 yaliyo lenga lango la mpinzani.
Simba SC imemamliza mechi bila ya kuruhusu bao. Jwaneng Galaxy walimaliza mechi na shuti moja pekee lililo lenga lango. Jwaneng hawakuisumbua sana eneo la ulinzi la klabu Simba, Lakini Che Malone Kurejea pembeni ya Henoc Inonga anaonekana kupazoea kuliko kucheza kwenye eneo la kiungo.
Kwa matokeo hayo yanaifanya Simba kushika nafasi ya pili na pointi mbili baada ya michezo miwili huku Jwaneng ikiongoza na pointi nne ikifuatiwa na ASEC Mimosas yenye moja ambayo saa 4:00 usiku itacheza na Wydad Casablanca iliyopoteza mechi ya kwanza.
