Makamu wa Rais wa klabu ya Young Africans Arafat Haji amesema jana wakati mchezo wa Yanga na Al Ahly unachezwa kuna mtu mmoja wa Al Ahly alimfuata na kumwambia msimu huu Yanga na Al Ahly zitacheza fainali ya Ligi ya Mabingwa Barani Afrika.
Na hii ni kutokana na kiwango walichokionyesha Yanga kwenye mchezo wa jana dhidi ya Al Ahly, uliokuwa unachezwa katika uwanja wa Benjamin Mkapa, Dar Es Salaam.
Kuna Mtu wa Al Ahly nilikuwa nae tangu mchezo huu unaanza na baada ya mchezo akanifuata na kuniambia Yanga na Al Ahly watacheza fainali ya michuano hii.
Arafat Haji, Makamu wa Rais wa Yanga.
Mchezo huo ulimalizika kwa sare ya kufungana goli 1-1, matokeo ambayo yanaifanya Yanga kubakia mkiani mwa msimamo wa kundi D ikiwa na alama moja pekee.
Kinara katika kundi hili ni Al Ahly ambaye ana alama nne [4] akishinda mechi moja [1] na kusare mechi moja [1] huku timu za Medeama na CR Belouizdad kwa pamoja zikikusanya alama tatu [3] kila mmoja.
Mchezo unaofuata kwa Yanga ni dhidi ya Medeama utakaopigwa nchini Ghana December 8 mwaka huu.
