Manchester United jana imekubali kipigo cha goli 2-0 kutoka kwa Westham United kwenye mwendelezo wa michezo ya Ligi kuu kandanda England.
Hiki kinakuwa kipigo cha 13 kwa timu yao kabla ya Christmass, na unakuwa mfululizo wa matokeo mabaya tangu ilipotokea hivyo mwaka 1930 ambapo Manchester United ilishuka daraja kwenye msimu huo.
Baada ya mchezo huo mashabiki wa klabu hiyo wamekuwa na mitazamo hasi juu ya timu yao wakiamini huu utakuwa ni msimu wao mwingine wa kushuka daraja kama ilivyokuwa msimu wa 1930.
Mashabiki wanaona matukio ni kama yanaendana hivi maana mwaka huo Arsenal ilibeba ubingwa wa Ligi kuu kwa tofauti ya Alama saba na klabu iliyomaliza nafasi ya pili [Aston Villa].
Kwenye msimu huo walipokea kipigo kizito cga magoli 6-0 wakiwa Old Trafford mbele ya Huddersfield na wakachapwa 7-4 na Newcastle.
Kwa namna ambavyo moto wa Arsenal unavyowaka na hali ya Manchester United ilivyo mashabiki wanaona kabisa kushuka daraja kunawaita.
“Manchester United wanapambania kutokushuka daraja”.
- Shabiki mmoja wa Manchester United alisema.
“Timu inacheza kama inakamilisha ratiba tu tayari imeshashuka sasa ndo nini”.
- Shabiki mwingine wa Manchester United alisema.
“Mwaka uleule tulishuka daraja na Arsenal wakawa Mabingwa”.
~ Shabiki mmoja aliandika.
