NBC Premier League
SIMBA SC YAMTAMBULISHA BABACAR SARR.
Klabu ya Simba imethibitisha kukamilisha usajili wa kiungo raia wa Senegal Babacar Sarr kwa mkataba wa miaka miwili
Sarr anasifika kwa uwezo wake mkubwa wa kukaba, kutuliza timu, kupiga pasi ndefu pamoja na kupiga mashuti makali kwa umbali mrefu.
Kiungo huyo mkabaji mwenye umri wa miaka 26 ana uwezo wa kutumia miguu yote miwili kwa ufasaha mkubwa. Sarr aliwahi kuibuka mchezaji bora katika mechi za klabu bingwa katika nchi za Kiarabu Julai 31 mwaka jana wakati akiichezea US Monastir ya Tunisia.
Sarr amesajiliwa Simba kwa lengo la kucheza kiungo mkabaji nafasi ambayo Mazamiru Yassin na Sadio Kanoute wamekuwa wakicheza huku ikisemekana nyota hao wameshindwa kumshawishi Benchikha ambaye ni kocha wa Wekundu hao wa Msimbazi.