Klabu za Arsenal, Manchester United, Liverpool, Barcelona na PSG kwa pamoja zimeweka nia ya kuihitaji huduma ya kiungo mshambuliaji wa klabu ya Palmeiras na timu ya Taifa ya Brazil Estevao Willian [16].
Estevao anaitwa Messi mdogo kutokana na ubora wake aliouonyesha akiwa na timu ya wakubwa ya Palmeiras inayoshiriki Ligi kuu nchini Brazil. Palmeiras inahitaji £51 million ili kumuachia nyota huyo.
Kwa mujibu wa ripoti kutoka nchini Brazil zinasema kuwa Messinho anatamani zaidi kucheza Barca na ndio timu ya ndoto zake na Palmeiras wanahitaji kijana atimize ndoto zake hivyo huenda wakazikataa ofa za timu zingine.
Willian alionyesha nia ya kucheza Barcelona tangu mwaka jana baada ya yeye mwenyewe kusema kua ndoto yake ni kucheza Barcelona.
“Ndoto yangu ni kucheza Barcelona”.
“Barcelona ndio timu bora Duniani”.
“Nimezaliwa nawatazama Neymar, Messi na Suarez wakiwa wanacheza Barcelona na hiyo ndio ndoto niliyonayo”.
“Natazama karibu kila mechi ya Barcelona, mimi ni shabiki mkubwa wa hiyo timu”.
“Wananivutia sana wachezaji wanaocheza pale, natumaini nitakuwa pale pia”.
“Ndio, ndoto yangu sasa itakuwa kweli”.
Willian ni miongoni mwa vijana wanaotajwa kuwa na vipaji vikubwa zaidi nchini Brazil kwasasa, pengine akajiunga na Barcelona hivi karibuni.
