Nyota wa zamani wa klabu ya Manchester United ameitaja klabu ya Tottenhma kuwa huenda ikafanya vizuri msimu huu kuliko Arsenal na Liverpool.
“Kiukweli nafikiri wanaweza kuwa bora zaidi ya Arsenal na Liverpool msimu huu”, Alisema Gary Neville.
Gary amesema hayo baada ya kutazama namna timu hiyo inavyofanya maingizo ya nyota wapya wa klabu hiyo akiwemo Timo Werner.
Baada ya kauli hiyo kutolewa na Gary Neville, mashabiki kadhaa wa soka kila mmoja kwa namna yake wametoa maoni yao huku wengi wakiamini inawezekana Tottenham wakawa bora kuliko Arsenal lakini sio Liverpool.
” Wanaweza kuwa bora zaidi ya Arsenal na sio Liverpool”, Shabiki mmoja alizungumza.
“Liverpool imepoteza mchezo mmoja pekee kwenye michezo 32 iliyopita ya Ligi kuu na wamepoteza michezo miwili pekee kwenye mashindano yote”.
” Wamepoteza mchezo mmoja wa Europa ambao walitumia watoto kucheza na mwingine wa Ligi kwasababu ya madhaifu ya VAR”.
“Kumshushia heshima Klopp na Liverpool ni udhalilishaji”, Alisema shabiki mmoja wa Liverpool.
Tottrnham walianza vyema sana kwenye Ligi msimu huu lakini baadae majeruhi yakaiathiri klabu hiyo na kuanza kupata matokeo yasiyoridhisha.
Kwa sajili ambazo timu hiyo inafanya kwasasa pengine wanaweza kurejea kwenye moto ambao walianza nao mwanzoni mwa msimu huu.
