Kocha mkuu wa kikosi cha Manchester United Eric Ten Hag ana mpango wa kumsajili mshambuliaji wa klabu ya Ajax Brian Brobery (21).
Kama dili hili litafanikiwa huyu atakuwa ni nyota wa tatu wa Ajax kusajiliwa na klabu ya Manchester United baada ya Lisandro Martinez na Anthony.
Brobery aliwahi kufundishwa na kocha Erik Ten Hag msimu wa 2020/21 na akacheza michezo 19 pekee kisha akatimkia RB Leipzing ya nchini Ujerumani.
Msimu wa 2021/22 Leipzing wakamrudisha kwa mkopo kwenye klabu hiyo ya Ajax kabla hajasajiliwa moja kwa moja kwenye kikosi hicho.
Hadi hivi sasa nyota huyo raia wa Uholanzi amecheza michezo 25 akiwa na Ajax msimu huu, amefunga magoli 13 na kutoa pasi nne [4] za usaidizi wa magoli.
Mkataba wa Ajax na Brian Brobery unatarajiwa kufikia tamati mwaka 2027 na tayari mpango wa kumsajili kwenye dirisha hili la mwezi January umeanza.
Kwa sasa Manchester United inahangaika kwenye eneo la ushambuliaji huku kiungo wake Mc Tomnay ndiye kinara wa upachikaji magoli akiwa na magoli matano [5] kwenye Ligi kuu.
