Klabu ya Mamelodi Sundowns ya nchini Afrika Kusini imemsajuli nyota wa zamani wa Borussia Dortmund Tawreeq Mathew aliyekuwa anaitumikia IK Sirius ya nchini Sweden.
Mamelodi Sundowns imetumia kiasi cha Takribani TZS Billion 7.6 ili kuinasa saini ya nyota huyo, tayari nyota huyo amejiunga na kikosi cha Mamelodi kinachojiandaa na mashindano mbalimbali.
Msimu huu Mamelodi Sundowns kwenye dirisha hili dogo la usajili imefanya sajili za wachezaji nyota kutoka ndani na nje ya Afrika Kusini kwa matumizi makubwa ya Pesa.
Lengo kubwa na kikosi hicho ni kufanya vyema kwenye michuano ya kimataifa hususani Ligi ya mabingwa Barani Afrika.
Ikumbukwe Mamelodi ndio mabingwa wa michuano mipya ya Africa Football League ambayo yalizunduliwa kwenye dimba la Benjamini mkapa.
Mamelodi Sundowns inamilikiwa na familia ya Rais wa shirikisho la soka Barani Afrika ndugu Patrice Motsepe.
