16 BORA, EGYPT vs. DR CONGO.

Timu ya Taifa ya Misri bila ya Mohamed Salah inakabiliwa na changamoto kubwa watakapomenyana na DR Congo katika hatua ya 16 bora ya Afcon 2023.

Misri ilimaliza Kundi B katika nafasi ya pili, baada ya kupata pointi tatu kutoka kwa sare tatu mfululizo katika hatua ya makundi. Lengo lao sasa ni kupata ushindi dhidi ya DR Congo na kutinga hatua inayofuata ya shindano hilo.

Vile vile, DR Congo ilikumbana na wakati mgumu katika hatua ya makundi, na kupata sare tatu mfululizo.

Kwa kuzingatia mapambano ya sasa ya timu ya Taifa ya Misri, Congo inaweza kumbana na kazi ngumu dhidi ya Mafarao. Walakini, hii inatarajiwa kuwa mechi ngumu kwa wote wawili na sare inaweza kuzipeleka timu hizi katika mikwaju ya penati.

TAARIFA YA KIKOSI CHA TIMU YA TAIFA YA MISRI.

Misri wanakabiliwa na wasiwasi mkubwa kutokana na kukosekana kwa nyota wao, Mohamed Salah, ambaye bado hajapona jeraha lake, huku pia Emam Ashour hatapatikana katika mchezo wa hatua ya 16 bora kutokana na mshtuko ulioupata akiwa mazoezini.

Zaidi ya hayo, kipa Mohamed El-Shennawy hatokuwa sehemu ya kikosi baada ya kutoka uwanjani akiwa na jeraha katika mechi ya mwisho ya hatua ya makundi ya na kusababisha Mohamed Abou Gabal kuchukua nafasi katika milingoti mitatu ya Mafarao.

KIKOSI CHA TIMU YA TAIFA YA MISRI KINACHO TAZAMIWA KUANZA: Gabali; Hany, Hegazy, Abdelmonem, Fotouh; Fathi, Attia, Elneny; Zizo, Mohamed, Marmoush.

TAARIFA YA KIKOSI CHA TIMU YA TAIFA YA DR CONGO.

Beki Henock Ionga huenda akaendelea kuwa nje ya uwanja, akiwa tayari amekosa mechi ya awali dhidi ya Tanzania, na anatarajiwa pia kuwa benchi katika hatua hii ya 16 bora.

Katika idara ya ushambuliaji, safu ya mbele ya DR Congo itaongozwa na mshambuliaji mahiri wa Brentford, Yoane Wissa pamoja na Cedric Bakambu, huku washambuliaji hao wakirejea kwenye kikosi cha kwanza.

KIKOSI CHA TIMU YA TAIFA YA DR CONGO KINACHO TAZAMIWA KUANZA: Ugumu, Kalulu, Mbemba, Waliturithisha, Masuaku, Pickel, Mououssamy, Silas, Kakuta, Bakambu, Wissa.

REKODI ZA TIMU HIZI MARA YA MWISHO ZILIPOKUTANA.

Rekodi zinaonesha mara tano za mwisho kwa mataifa haya mawili kukutana katika michuano hii timu ya Taifa ya Misri imeshinda mara nne (04), huku timu ya Taifa ya Congo ikipata sare mara moja pekee, huku timu ya Taifa ya Misri ikifunga jumla ya magoli kumi na moja (11) dhidi ya manne (04) ya Timu ya Taifa ya DR Congo.

Hata hivyo Timu ya Taifa ya DR Congo itaingia katika mchezo wa leo wakiwa na kumbukumbu mbaya ya kupoteza kwa idadi kubwa ya mabao dhidi ya Mafarao, mabao 6-3 tareh 11 ya mwezi Agosti 2010.

Egypt 2-0 DR Congo – 27 Jun 2019

Egypt 0-0 DR Congo – 2 Mar 2012

Egypt 6-3 DR Congo – 11 Aug 2010

DR Congo 0-1 Egypt – 7 Sept 2008

Egypt 2-1 Congo DR – 1 June 2008