HIMID MAO: SAMATTA NDIYE MCHEZAJI WANGU BORA.

Nani mchezaji wako bora nchini Tanzania _________?

Nyota wa timu ya Taifa ya Tanzania na klabu ya Talaal El Geish inayoshiriki Ligi kuu nchini Misri amemtaja Mbwana Ally Samatta kuwa mchezaji wake bora nchini.

“Kwangu mimi mchezaji bora nchini ni Mbwana Ally Samatta”, alisema Himid Mao.

Samatta aliwahi kucheza kwenye klabu ya Simba kwa kipindi kidogo sana kabla ya kuelekea nchini Congo DR kwenye klabu ya TP Mazembe ambapo alipata mafanikio makubwa Barani Afrika.

Samatta anasalia kuwa mchezaji pekee raia wa Tanzania aliyebeba tuzo ya mchezaji bora wa ndani Barani Afrika na mfungaji bora kwa wakati mmoja na yote aliyapata akiwa na TP Mazembe ya Lubumbashi.

Baada ya kutoka TP Mazembe Samatta alielekea nchini Ubelgiji ambapo aliitumikia Genk kwa mafanikio makubwa kabla ya kuelekea nchini England aliposajiliwa na klabu ya Aston Villa.

Samatta baada ya kutoka Aston Villa alitumikia klabu kadhaa ikiwemo KRC Genk kwa mara nyingine, na klabu kadhaa.

Huyu ndiye Captain mwenye mafanikio zaidi akiwa na kikosi cha timu ya Taifa ya Tanzania akiifanikisha kufuzu AFCON mara mbili [2019 & 2023].

Himid Mao na Mbwana Samatta wanakutana mara zote kwenye kambi ya timu ya Taifa ya Tanzania na kwenye kampeni ya kusaidia jamii ya Samatta na Ali Kiba ya Nifuate.

Himid Mao Mkami aliwahi kupita kwenye klabu ya Azam kabla hajatimkia nchini Misri ambapo amedumu kwa misimu mingi kiasi hadi hivi sasa akibadili timu tu.