Top Story
GUARDIOLA: ALONSO ANATUMIA AKILI SANA.
Kocha mkuu wa kikosi cha Manchester City Pep Guardiola amemzungumzia kocha wa Bayer Leverkusen Xabi Alonso kama kocha mbishia na mwenye uthubutu mkubwa na amemsifu kwa ubora ambao ameujenga kwenye timu yake.
“Xabi Alonso ni mtu mwenye akili sana, najivunia kuishi nae kwa zaidi ya mwaka mmoja, ni mtu mwenye akili na mwenye uthubutu na mbishi sana.
“Anafanya kazi nzuri ndio kocha pekee ambaye hajapoteza Mchezo sio DFB Pokal, Bundesliga au Europa, ni moja wa kocha wa Ajabu sana”.
“Michezo zaidi ya 30 hajapoteza hata mmoja na Jinsi timu inavyocheza Wow inashangaza naimani atafanya vizuri Zaidi”.
- Pep Guardiola kocha wa Manchester City.
Xabi Alonso hadi hivi sasa ameiandaa klabu ya Bayer Leverkusen kuwa ya ushindani zaidi, amevunja rekodi ya kushinda michezo mingi zaidi [34] na kuipita rekodi iliyokuwa imewekwa na Bayern Munich [33].
Hata hivyo Alonso anahusishwa kujiunga na klabu kadhaa Barani Ulaya ikiwemo Liverpool na Bayern Munich ambazo zitaachana na makocha wake pindi msimu huu utakapotamatika.