Klabu ya Bayer Leverkusen ya nchini Ujerumani kwasasa inahitaji kushinda michezo saba [7] pekee kati ya kumi [10] iliyosalia ili kujihakikishia ubingwa msimu huu.
Wachezaji wenzangu wamekuwa na hamu ya kujua kila siku nini kilisababisha Arsenal kukosa ubingwa msimu uliopita licha ya kuwa walikuwa wanaongoza kwa alama nyingi ?.
Nimekuwa nikiwaambia kuwa tusibweteke na idadi ya alama ambazo tumewaacha wapinzani wetu, alama 10 sio nyingi hasa ukizingatia tumebakia na michezo 10 na jumla ni alama 30.
Kwahiyo ndio maana unaona tunapambana kila siku kuhakikisha tunaondoka na alama muhimu kwenye kila mchezo ili tusije kuangukia kwenye tundu la Arsenal.
Granit Xhaka, nyota wa zamani wa Arsenal
Xhaka alikuwa anaitumikia klabu ya Arsenal msimu uliopita wakati wanapoteza ubingwa mbele ya Manchester City mwishoni licha ya kuongoza kwa muda mrefu.
Kwasasa wapenda soka wengi wanasubiri kuona kama Granit Xhaka atatwaa ubingwa wa Bundesliga akiwa na Bayer Leverkusen ataukosa kama ilivyokuwa msimu jana akiwa na Arsenal.
