Kocha mkuu wa Roma De Rossi ni miongoni mwa wanafunzi waliomaliza na alama za juu zaidi kwenye kozi ya UEFA A akimzidi Alessandro Del Piero mwaka 2021 na sasa anatimiza ndoto yake ya kuinoa AS Roma.
Kwenye darasa ambalo De Rossi alikuwa anasoma alikuwa anafundishwa na kocha wa Brighton ambaye anaenda kukutana nae Alhamisi hii kwenye michuano ya Europa na De Zerbi alikuwa anamuita De Ross “Genius”.
“Namheshimu De Zerbi, alikuwa kama kitabu kilichofunguliwa kwangu, amenisaidia, kutengeneza vitabu na taarifa zilizopo kwangu na alikuwa mshauri wangu, mabinti zetu ni marafiki.” – De Rossi.
Kocha wa Brighton De Zerbi ametanabaisha kuwa kocha wa Roma De Rossi amezailiwa kuwa kocha na kufundisha wachezaji ndio maana anakuwa bora.
“De Rossi amezaliwa kufundisha na kuwa kocha, ni miongoni mwa makocha bora sana kwasasa.” – De Zerbi.
Hii ni miongoni mwa michezo migumu zaidi ya Europa kati ya yote itakayopigwa kesho, kutokana na makocha hawa wawili kufahamiana vyema, siku zote vita ya mwalimu na mwanafunzi wake huwa ni ngumu sana.
