Spika wa Bunge la Jamhuri ya Muungano wa Tanzania, Dkt. Tulia Ackson akiambatana na Mbunge wa Chalinze Mh. Ridhiwani Kikwete wamewatembelea na kuwajulia hali mashabiki wa Simba waliopata ajali wakati wakielekea jijini Dar es Salaam kwa ajili ya mchezo wa Ligi ya Mabingwa Afrika dhidi ya Al Ahly, waliolazwa Hospitali ya Wilaya ya Chalinze.
Pamoja na mambo mengine, Dkt. Tulia ametoa mchango wa majeneza mawili kwa ajili ya kuwahifadhi marehemu wa ajali hiyo pamoja na kutoa mchango wa shilingi milioni 2 kwa ajili ya kuwasaidia majeruhi hao.
