Azam Sports Federation
NAMUNGO YATANGULIA ROBO CSFC, GEITA GOLD KUCHEZA LEO.
Klabu ya Soka ya Namungo imekuwa timu ya kwanza kutangulia hatua ya Robo Fainali ya michuano Kombe la Shirikisho la TFF(CRDB BANK SPORTS FEDERATION CUP) baada ya kuwatoa Kagera Sugar kwenye hatua ya 16 Bora.
Namungo walifanikiwa kuingia hatua hiyo kwa kushinda kwenye hatua ya mikwaju ya Penati 5-3 baada ya mchezo huo kumalizika kwa 0-0 ndani ya dakika 90.
Mkwaju wa mwisho wa Frank Domayo ukahakikisha Namungo wanafuzu Robo Fainali baada ya Geofrey Manyasi kukosa penati kwa upande wa Kagera Sugar.
Mchezo mwingine utapigwa hii leo huko Geita wakati Geita Gold wakiikaribisha timu ya Rhino Rangers inayoshiriki ligi First Division majira ya saa 10 jioni kutafuta timu nyingine itakayosonga hatua ya Robo Fainali ya michuano hii ambayo imeongezewa thamani hapo jana na Benki ya CRDB.