Klabu ya Inter Miami ina mpango wa kumsajili katika dirisha kubwa la usajili nchini Marekani nyota wa zamani wa klabu ya Liverpool na Barcelona Luis Suarez ambaye kwasasa ana kipiga kwenye klabu ya Gremio ya nchini Brazil.
Luis suarez ataenda kuchukua nafasi ya nyota wa Venezuela Josef Martinez ambaye ataondoka klabuni hapo baada ya msimu kuisha. Tayari Klabu ya Inter Miami imefikia makubaliano na Gremio ya kumuachia Luis Suarez.
Suarez ataenda kuungana na Swahiba wake wa muda mrefu Lionel Messi ambaye walicheza wote ndani ya kikosi cha Barcelona, nyota wengine aliowahi kucheza nao na wapo ndani ya klabu hiyo ya Inter Miami ni Sergio Busquet na Jord Alba.
