Bondia mahiri kutoka nchini England Tyson Furry ameonekana akiongea na nyota wa zamani wa Manchester United na Klabu ya Real Madrid ambaye kwa sasa anakipiga na klabu ya al Nasr Cristiano Ronaldo kuelekea katika pambano la ubingwa wa uzito wa juu wa WBC katika Jiji la Riyadh.
The Gypsy King alizaliwa katika Jiji la Manchester, Jiji ambalo Cristiano Ronaldo amepata mafanikio yake kwenye soka tangu alipojiunga na Manchester United mwaka 2003. Fury mwenyewe ni shabiki mwaminifu na amehudhuria michezo mingi sana ya Manchester United katika dimba la Old Trafford.
Hivyo haikushangaza kuona bondia huyo akimtaja Ronaldo kama Mwanasoka bora na amesema amekuwa akimfuatilia tangu akiwa Manchester na alipokuwa Real Madrid.
Cristiano, wewe ni mwanasoka bora zaidi kuwahi kutokea.
Fury wakati akimwambia Ronaldo.
Ahsante sana
Ronaldo alimjibu Fury kwa tabasamu kubwa.
Mimi ni shabiki yako, naangalia michezo yako. nimekutazama ukiwa Manchester United kwa mara ya kwanza na michezo yako yote ukiwa Real Madrid.
Fury aliendelea kumwambia Ronaldo.
Ronaldo atakuwepo katika pambano la Fury ambalo linatazamiwa kupigwa hii leo katika mji wa Riyadh, pambano ambalo linajulikana kama ‘Battle Of The Baddest’. Ronaldo pia alimuuliza kwanini haendi mara kwa mara kutazama mechi, Furry alisema,
Nikija kutazama mechi uwanjani huwa napata usumbufu sana kitu ambacho kinaniwia ugumu.
Fury akimwambia Ronaldo.
