Makamu wa Rais wa Young Africans Arafat Haji amesema wana ratiba ngumu kuelekea mchezo wao wa Ligi ya Mabingwa Afrika kutokana na wachezaji wao wengi kuwa kwenye majukumu ya timu zao za Taifa.
Kama timu tayari wameshafanya taratibu zote kuhakikisha wachezaji wote waliopo kwenye timu zao za Taifa wanaripoti Algeria kwa wakati kwa ajili ya mchezo wao dhidi ya CR Belouizdad.
Mchezo wetu wa kwanza dhidi ya CR Belouizdad tunatarajia utakuwa kati ya Novemba 24 au 25, 2023. Maandalizi yameshaanza na tunajua tutafikia wapi na timu itaondoka lini, kama kila kitu kitakwenda sawa tunatarajia kuondoka Novemba 22 usiku.
Kwa bahati mbaya siku hiyohiyo [Novemba 21 au 22, 2023] wachezaji wetu wengi watakuwa kwenye timu zao za Taifa lakini tumeweka mipango mizuri kuhakikisha wanawahi na kufika kwa wakati Algeria ili waungane na kikosi kwa ajili ya maandalizi.
Tunaelekea Algeria tukiwa na kumbukumbu ya kikichotokea mara ya mwisho tulipokwenda kucheza Fainali, tunataka kuipeperusha bendera ya Tanzania kwa mara nyingine tena.
Arafat Haji, Makamu wa Rais wa klabu ya Yanga akizungumza kuelekea mchezo wa Ligi ya mabingwa Barani Afrika dhidi ya CR Belouizdad ya Algeria.
