Timu ya Taifa ya Morocco tayari imewasili nchini Tanzania kwaajili ya mchezo wa hatua ya makundi wa kutafuta tiketi ya kufuzu fainali za kombe la Dunia 2026 dhidi ya timu ya Taifa ya Tanzania. Mchezo huo utapigwa Jumanne November 21 katika uwanja wa Benjamin Mkapa Jijini Dar Es Salaam.
Wakati huo huo Taifa Stars ipo nchini Morocco kwaajili ya mchezo dhidi ya timu ya Taifa ya Niger wa kutafuta tiketi ya kufuzu fainali za kombe la Dunia wa hatua ya makundi utakaopigwa leo Jumamosi, November 18 katika uwanja wa Grande Marrakech Annex majira ya saa moja jioni.
Tanzania ipo kundi E katika harakati za kutafuta tiketi ya kufuzu fainali za kombe 2026 pamoja na timu za Taifa za Morocco, Niger, Eritrea, Zambia na Congo Brazzaville. Zambia hadi hivi sasa ndiyo kinara wa kundi hili akiwa na alama tatu (3) baada ya kushinda mchezo wake wa kwanza 4-2 dhidi ya Congo Brazzaville hapo jana.
