Geita Gold wamefanikiwa kupata ushindi wao wa pili mfululizo baada ya kuwafunga Namungo 1-0 kwenye mchezo wa ligi kuu ya NBC na kusogea hadi nafasi ya 9 kutoka nafasi ya 12 wakifikisha alama 13.
Alikuwa ni Valentino Mashaka dakika ya 76 aliyepeleka furaha hiyo kwa wanageita akifunga goli pekee na la ushindi kwenye mchezo mgumu uliokuwa na ushindani wa aina yake.
Namungo watajilaumu wenyewe kwenye mchezo huu ambao walitengeneza baadhi ya nafasi na kushindwa kuzitumia huku pia wakionyesha mchezo mzuri dhid ya Geita Gold.
Geita Gold walitumia nafasi yao walipoipata na kujipatia bao hilo la ushindi kwenye mchezo ambao pengine watu waliona ulikuwa unaelekea kumalizika kwa suluhu ya 0-0.
Kwa matokeo hayo Geita Gold imeishusha Namungo kutoka kwenye nafasi hiyo ya 9 huku wakishinda mchezo wao wa pili mfululizo baada ya kupata ushindi kama huo dhidi ya JKT Tanzania mchezo uliopita kwa goli zuri la Edmund John.
