Klabu ya ASEC Mimosas ya nchini Ivory Coast imechagua kuutumia uwanja wa Felix Houphouet Boigny kwaajili ya mchezo wao wa hatua ya makundi dhidi ya klabu ya Simba.
Uwanja huu ni miongoni mwa viwanja vilivyotumika kwaajili ya fainali za mataifa ya Afrika mwaka huu na michezo ya kundi B ilipigwa hapa [Ghana, Msumbiji, Misri na Cape Verde] lakini pia mchezo wa mshindi wa tatu kati ya Afrika Kusini na Congo DR.
Kiingilio cha mchezo huo utakaopigwa jumamosi ya February 24 majira ya saa moja [19:00] jioni kwa saa za Afrika Mashariki ni TZS Elfu 4 pekee.
Simba ipo kundi B ikiwa pamoja na klabu ya Asec Mimosas, Jwaneng Galaxy na Wydad AC. Msimamo wa kundi hadi hivi sasa Simba ipo nafasi ya pili ikiwa kila timu imebakiza michezo miwili.
Asec Mimosas ———– 10
Simba ————————- 5
Jwaneng Galax ———- 4
Wydad Ac ——————– 3
Simba inahitaji kupata ushindi kwenye mchezo wake dhidi ya Asec Mimosas ili ipate ahueni ya kufuzu hatua ya robo fainali ya michuano hii, Simba kwasasa imekuwa imara sana tangu ujio wa kocha mpya Abdelhakh Benchikha.
Mashabiki wa Simba kila mmoja ana matumaini ya kuiona timu yao ikifuzu hatua ya robo fainali ya michuano hiyo ambapo tayari wameshafanya hivyo takribani mara tatu kwenye kipindi cha hivi karibuni.
Simba imebakiza michezo miwili dhidi ya Asec Mimosas [Ugenini] na dhidi ya Jwaneng Galaxy utakaopigwa uwanja wa Mkapa, Dar Es Salaam, ikichanga karata zake vyema inaweza kufuzu.
