Klabu ya Mamelodi Sundowns ya nchini Afrika Kusini leo March 02, 2024 itashuka dimbani kuikabili TP Mazembe ya nchini Congo DR saa kumi [16:00] jioni nchini Afrika kusini.
Timu zote mbili hadi hivi sasa zimeshafuzu hatua ya robo fainali ya Ligi ya mabingwa Afrika na mshindi wa mchezo huo atakiwa kinara wa kundi, ikiwa kila timu hadi hivi sasa ina alama 10.
Kuelekea mchezo huo wa Leo kocha mkuu wa kikosi cha Mamelodi Sundowns Rulan Mokwena ametanabaisha kuwa klabu yake ina kila sifa ya kutwaa taji hilo.
“Sundowns imeshathibitisha kuwa ni moja ya klabu kubwa hapa Afrika, na tutashinda Ligi ya mabingwa, kiuhalisia tutashinda Ligi ya mabingwa”.
“Kitu tunachotakiwa kuhakikisha ni kiwango chetu kuwa kizuri, mwendelezo bora, na kupambana kila siku ili kujiweka kwenye hiyo nafasi”, alisema Mokwena.
Mamelodi Sundowns na TP Mazembe zimefuzu robo fainali huku klabu ya Pyramids ya Misri na FC Nouadhibou ya Algeria zikiishia hatua ya makundi ambazo pia zinacheza hii leo.
