Ukiwasikiliza viongozi wa klabu ya Simba kwa asilimia kubwa wanasema dirisha lijalo watafanya maboresho makubwa sana.
Ukimsikiliza Kocha Benchikha nae anasema hivyo hivyo kuwa kikosi chake kinakosa wachezaji wa maana na wakubwa ambao wanaweza kubadili mchezo kuanzia ndani na wale walio benchi.
Tafsiri yake ni kuwa Simba wanahitaji kuingia gharama kubwa kufanya usajili na kuachana na hizi sajili za kawaida ambazo wamekuwa wakizifanya wakati wote.
Swali langu ni watafanikiwa kweli kwenye hili ? Je, Pesa za kusajili wachezaji wa aina ambayo mwalimu anawataka zipo ?
Kwa maelezo ya Benchikha ni wazi kuwa bado tuna safari ndefu sana ya kuelekea nchi ya ahadi, inabidi twende pale kwa Katumbi tukamuulize aliwezaje ? Lakini jibu litakuwa WEKA PESA Upate unachokitaka.
Timu zetu zinahitaji pesa na ubunifu wa ziada ili tupate hiyo pesa ya kusajili hao watu ambao watakuja kuleta mabadiliko kwenye timu zetu lasivyo robo fainali itakuwa ndio wimbo wa Taifa.
