Timu ya mchezo wa mpira Kikapu ya Tanzania, Pazi, ineondolewa kwenye mashindano ya hatua ya pili kuingia hatua ya tatu(nusu fainali) ya kufuzu kucheza michuano ya BAL 2024 baada ya kufungwa na Dynamos ya Burundi kwa Vikapu 88-85 hapo jana kwenye uwanja wa Ellis Arena, Johannesburg, Afrika ya Kusini.
Mchezo huo uliokuwa na ushindani wa aina yake kutokana na timu zote kujuana vizuri kwani walikutana kwenye mraundi ya Kwanza Kundi C ililazimika kwenda kwenye muda wa nyongeza(Overtime) mara mbili ili kupata mshindi wa mchezo huo.
Kwenye muda wa kawaida mchezo ulimalizika kwa 75-75 kabla ya kuongezwa muda na kwenda kufungana tena 77-77 kabla ya kwenda kwenye muda mwingine wa nyongeza. Wakati Dynamos wakiongoza kwa vikapu 88-85, Pazi walidhani wataenda kwenye muda mwingine wa nyongeza baada ya kufunga kikapu cha mtupo wa alama 3 Lakini mpira ukaonekana kuingia na kutoka hali iliyozua taharuki uwanjani. Lakini mpaka mchezo unamalizika, Pazi 85-88 Dynamos na kuondoshwa mashindanoni. Dynamos wakilipa kisasi chao panapouma zaidi.
Pazi wamepoteza michezo yote mitatu na wanatarajiwa kurejea nchini kuendelea na Ratiba zingine. Timu zilizofanikiwa kufuzu Hatua ya nusu fainali ni pamoja na CAPE TOWN TIGERS(SA), DYNAMOS(BUR), CITY OILERS(UG) Na C.O.S.P.N(MAD)
