Klabu ya Mlandege imeweka dau nono kwa wachezaji wake iwapo watafanikiwa kuifunga Simba na kuubakiza ubingwa wa michuano ya mapinduzi.
Imekuwa kawaida kwa klabu hiyo kupata zawadi kutoka kwa viongozi wake pindi timu inapofanya vizuri kwenye michuano hii.
“Umekuwa ni utaratibu wetu wa kawaida, kila timu inapovuka hatua moja inapata “bonus”, Alisema Mohamed Ally, Afisa habari wa klabu ya Mlandege.
Licha ya kutokuweka wazi kitita halisi, lakini kwa mujibu wa Taarifa zinasema kila hatua walikuwa wameahidia Million Tano [5] na wamesema kitaongezeka zaidi kwenye mchezo wa fainali kama watabeba.
Mohamed pia aliweka wazi kuwa wachezaji watatu raia wa Jamaica wanaoitumikia Mlandege wote wapo wanafanyiwa majaribio na kama wakifuzu watapata nafasi ya kusajiliwa.
“Wote wanafanyiwa majaribio hawajasaini, waliomba wenyewe waje wacheze, nasi kama kawaida yetu bila hiyana tukawapa nafasi”, aliongeza Mohamed.
Simba na Mlandege zitacheza fainali ya mapinduzi cup, kesho January 13.
